Book Review : “Zo Lahâmtengte, Kigentênate leh Kitêkâ nate Hambu Vol. I”
( Dictionary of Zo Poetic Words, Metaphors & Similies Vol. I )
By:- HangP Zo, New Delhi
Author : T.Philip Thanglianmang, DANICS
Publisher : Anand Publication, Daman, Jalgaon, India.
First Publication : 10 April, 2006
No. of total pages : 152 pages
No. of prints : 2000
Price : India - Rs. 200/-Abroad – US $ 10
Pu Lianzakap in “ Zo lahamtengte leh kigentena te” chi 2005 in ana bawl a, athupijaw in Pu Philip in tambang laibu manphatah ahing suokia a, Zo nampi a ding in ihâm ipau kepbitna hoitah hi’n kamu hi. Tam laibu ahile a lim et mai in jong a etlawm a, a cover a Zou nungah leh tangval cultural dress a cultural dance lim te leh zou puon te’n I nampi a tawisang tuom mama a, midang te kung ah ihîna a tahlang hi. Milien, milal, mipil leh vaihawm lien tuom tuom Oscar Fernandes,( Minister of State, Govt. of India), S. Ragupathy, (Minister of Home Affairs, Govt. of India), Rev. Hangpi Manlun, (Sr. Executive Secretary, Zou Presbyterian Synod,Manipur), T. Nehkhojang, (Secretary, Zou Literature Society,Manipur), T. Gougin, (Father of Zou), leh mi tuom tuom te’n pahtatna lai agiel ban uah, Dr. S. Imoba, (Associate Professor, Dept. of Linguistic, Manipur University) leh Rev. Fr. Mark thangkhanai, (Programme Co-Ordinator, Radio Veritas Asia, Zomi-Chin Service) te’n Forward a giel uhi.
Tam laibu dictionary chikhat ahivang in Zokam kepbitna hoitah ahia, Zokam hausatdan leh thupidan, agildan te tam laibu sung apat muthei in a um hi. Tualeh tam lampang tawh kisai thugel tamlou jong a huop hi. Tuaban ah, laibu sung ah ei singtangmi ‘Zomi’ kichite hâm kizawitawndan te jong etsahna hoitah tawh akigiel a, ei Zokam maimai kepbitna hilou in Zomi te gawmkhawm na ding a vanzat hoitah hiding in jong kamu hi. Zomi te khat leh khat ki khentuom nanlei mituom ihilou dan uh tam laibu sung apat muthei in a um hi.
Lâ lam leh laphuo lunglut te maimai a ding a vanzat hoi hilou in koipou nam ngaina te a ding a kepbit ding a hoivawt ahi. A dieh in Manipur Board nuoi a sangnaupang te a ding in panpitu (Guidebook) hoipen a ahi ngei ding hi. Zo lahâm te leh kigentêna thute theinoptah a giel ahiban ah English a jong giel ahijieh in kichien sem hi.
Laibu sung ah agieltupa tanchin tomkim a um a, tualeh laiteng jahdan ahile ‘Holy Bible in Zo (1983)’ leh ‘Holy Bible in Zomi (1995)’ te ajui tangpi hi, C, Z leh Innku(^) te chilou in. Tualeh Linguistic lam jil ahiman in Pu Philip in Dictionary piching ahing bawl ding jong ikinem uhi.
Tam laibu dictionary chikhat ahivang in Zokam kepbitna hoitah ahia, Zokam hausatdan leh thupidan, agildan te tam laibu sung apat muthei in a um hi. Tualeh tam lampang tawh kisai thugel tamlou jong a huop hi. Tuaban ah, laibu sung ah ei singtangmi ‘Zomi’ kichite hâm kizawitawndan te jong etsahna hoitah tawh akigiel a, ei Zokam maimai kepbitna hilou in Zomi te gawmkhawm na ding a vanzat hoitah hiding in jong kamu hi. Zomi te khat leh khat ki khentuom nanlei mituom ihilou dan uh tam laibu sung apat muthei in a um hi.
Lâ lam leh laphuo lunglut te maimai a ding a vanzat hoi hilou in koipou nam ngaina te a ding a kepbit ding a hoivawt ahi. A dieh in Manipur Board nuoi a sangnaupang te a ding in panpitu (Guidebook) hoipen a ahi ngei ding hi. Zo lahâm te leh kigentêna thute theinoptah a giel ahiban ah English a jong giel ahijieh in kichien sem hi.
Laibu sung ah agieltupa tanchin tomkim a um a, tualeh laiteng jahdan ahile ‘Holy Bible in Zo (1983)’ leh ‘Holy Bible in Zomi (1995)’ te ajui tangpi hi, C, Z leh Innku(^) te chilou in. Tualeh Linguistic lam jil ahiman in Pu Philip in Dictionary piching ahing bawl ding jong ikinem uhi.
Comments
0 Response to 'Book Review:Zo Lahâmtengte, Kigentênate leh Kitêkâ nate Hambu Vol. I'
Post a Comment
Leave me your opinion after reading my writings. Thank You.