(Bang Pasian bia ihi ua?)
Ka blog a article khat ah hihthu tamlou kana genta a, solkar gentahlou hattuam te’n Zodawn a nelsia dan uh genbelap ut huai kasa hi. Hattuam ichi chiang in solkar ban a vaihawm na lienpen ahia, gam khenkhat ah bawn solkar sang in a lienzaw in a thunei zaw uhi. Hattuam in gam khantouna ding leh a mipite khantouna ding in bawlthei septhei tampi anei a, mawpuahna lienpi anei hi. Hattuam in gam leh nam khantouna ding asai ding ahisih, Pasian thu tawh kikal ahi nachi leh….. na Pasian bieh dihlou himaithei ding hi, thou inlen khodah kia in.
Mipite khankhua ding hattuam in akhualsih a, tahsa lam a adamtheina ding uh, a nehmu na ding uh, akivaipuah ding dan uh chite hattuam in maw apuah sih leh hattuam ineiman bang aphatuam diei? Pasian in a belamte entup ding in hattuam leh hattuam lamkaite akoi hi. Hinanle eite’n hattuam sum pungsah dingdan maimai I entup ta valong uh hilou maw, belamte sang in belamte apat sum suhpung dingdan ibuaipi zawta uh hilou ama. Sawm-a-khat poimaw dan, pieh teitei ding ahidante chiltui kaizen in igen ua, ipiehlou leh vangam kailou ding, Pasian bieh man umlou chi phiel in itangkou ua, hinanle imipite’n bang sem in bawl leh sum mu in neh amuthei ding uai chipen ingaitua khasih uhi. A neh muthei na ding, a sum muthei na ding uh sep leh bawl te buaipi masa lei sawm-a-khat pen gentam ngailou in hing luanglut nading in gingta ing. Tuhun chiang in sawm-a-khat maimai zong hinontalou in bang bang sumpi ichi uh e, zong hunkhoppi ineita ua, ihattuam uh pen financial institution isuahsah ta ua, ei leh ei inei sunte uh iki netum ta uhi. Hattuam a sum lut teng lah taga genthei panpi na gentahlou mission nasemte halaw zong kidai zoulou nalai…. Abang chidan atai! Tulai a MNC(Multi-Nation Company) te bawldan a cost cutting zong I hattuam te uah poimaw ta hi in kamu hi.
Zodawn lam a mite bawldan eng in mission skul I phut poupou ua, ahin solkar skul te sang in ahuaise jaw hi. Puahlou leh zuunlou in a um ta hi. A min maimai a mission skul ieni sang un neida lei isum uh save zaw ding hilou maw ! Phattuam na bei in kumkhat in pawlpi in nihvei thumvei Khawmpi inei ua sum tampi ibeisah uhi. Khawmpi te aloutheilou ahina diei. Bible ah gingtu hattuam te’n khawmpi anei ngel na uai? Tua khatvei khawmpi inei na uh budget tawh zodawn lam a I u-leh nau taga meithai genthei te panpi na in zang leh gilkial bangzat kipah in hitui bangjat inul siengsah ta diei ! Zodawn lam a asum musun te uh hattuam in sawm-a-khat mai hilou in sawm-a-thum beh anemang hi, ahinlah amaute ading in bangma inua bawl sih uhi.
Pasian thu hat ding dan igengen ua, ahinlah amitvah na ding uh ingai poimaw zel sih uhi. Laisimtheilou te ipuahnat sih leh bang chin a Pasian thuhatding uh ipawna masa thei diei. Vangam kaiding ingai poimaw ua ahinlah vangam kaina ding a Pasian thu asimthei na ding uh ipawna sih uhi. Vangam kaina ding certificate lah ipethei ngal sih ua, tuazieh in amau lunglut hun leh deina bang a Pasianthu akisim thei na ding uh puahnat masah poima in thei ing. Hattuam teng in gammial chi’n koite ama khat iveina koi vetvot ua, amaute ading in a tuam in thawlawm te bang idawl nalai set uhi. Ei gam mial salou ihi ding uai le? Tua theilou te iveinat bang un leh I ngaipoimaw bang un eima sung ngaina lei igam inam hichi talawm lou ding hi. Gammiel iveinat kal un eima gam sung a meivah mitta a, innkuan bangzat ama khat gilkial in meikuang peisuah umta hi. Bangchi dan a eigam nelsia a migam iva zuun zing uh adiei? Gammial chia iveinat gam uah I sum neisunte uh ithunlut ua eigam ah bangma ahing nua lut kia non tasih hi, igam bangchin a zawng lou diei. Tua mun a I sum thunlut teng uh eima gam Zodawn lam puah na in kizang taleh bang zatah in igam akhangtou diei. I gam khu solkar maimai puahphat ding dan in koi non dah vai. Ei leh ei in zong ikipuah phat thei uh ahi. Eima mit a singtum um mulou a mi mit a singthem um iva mu laisie uh igam imi te’n phattuam na nei ngai lou ding uhi. Pasian nei namte kichi ngal hang a bang chidan a ei Lamka lam mite hichi tuantual ihi ding uai, midangte lah khangtou hulhul mai ua maw.
Ann ngawl zen in ithum ua bangma aphatuam sih hi. Khawmpi thupi tah a nei in Pasian iphat ua bangma aphatuam sih hi. Bang pen ata diei isep khah lou uh?
Tam ka thu giel leitung vai nachi maithei, leitung a um nalai ihi man un leitung vai isai sih uleh bang vai isai ding uh hita. Leitung ah koi e vangam vai saithei ding. Koi e vangam kaina ding certificate pethei? Ama bou a limit thei ding ahia, khovel vai chivang a silteng vasai ding china ahi tuamsih hi. Social welfare lam sai ding ahoi a, politics lam pen hattuam in uang bawl ding ahisih hi. Hattuam in amipite damtheina ding, nehmu na ding, mitvahna ding asai sih leh koi in hing sai ta ding. En I u-leh-nau iveinat sih leh koi in hing veinat sah ta ding. I gam I nam pen solkar (MLA,MDC, DC,SDO,SDC) maimai puaphat ding dan a koina mentality khu paikhieh hun ahita hi. Ei leh ei kipuaphat sawm ta vai. Zogam etlawm chia zaila a I awi awi te uh lukieu saulin suahta hi. Zu leh va chikim leng dildiel, singchin suangchin chia I awi awi te uh mu ding um nonlou hi. Bang zieh?
Ka blog a article khat ah hihthu tamlou kana genta a, solkar gentahlou hattuam te’n Zodawn a nelsia dan uh genbelap ut huai kasa hi. Hattuam ichi chiang in solkar ban a vaihawm na lienpen ahia, gam khenkhat ah bawn solkar sang in a lienzaw in a thunei zaw uhi. Hattuam in gam khantouna ding leh a mipite khantouna ding in bawlthei septhei tampi anei a, mawpuahna lienpi anei hi. Hattuam in gam leh nam khantouna ding asai ding ahisih, Pasian thu tawh kikal ahi nachi leh….. na Pasian bieh dihlou himaithei ding hi, thou inlen khodah kia in.
Mipite khankhua ding hattuam in akhualsih a, tahsa lam a adamtheina ding uh, a nehmu na ding uh, akivaipuah ding dan uh chite hattuam in maw apuah sih leh hattuam ineiman bang aphatuam diei? Pasian in a belamte entup ding in hattuam leh hattuam lamkaite akoi hi. Hinanle eite’n hattuam sum pungsah dingdan maimai I entup ta valong uh hilou maw, belamte sang in belamte apat sum suhpung dingdan ibuaipi zawta uh hilou ama. Sawm-a-khat poimaw dan, pieh teitei ding ahidante chiltui kaizen in igen ua, ipiehlou leh vangam kailou ding, Pasian bieh man umlou chi phiel in itangkou ua, hinanle imipite’n bang sem in bawl leh sum mu in neh amuthei ding uai chipen ingaitua khasih uhi. A neh muthei na ding, a sum muthei na ding uh sep leh bawl te buaipi masa lei sawm-a-khat pen gentam ngailou in hing luanglut nading in gingta ing. Tuhun chiang in sawm-a-khat maimai zong hinontalou in bang bang sumpi ichi uh e, zong hunkhoppi ineita ua, ihattuam uh pen financial institution isuahsah ta ua, ei leh ei inei sunte uh iki netum ta uhi. Hattuam a sum lut teng lah taga genthei panpi na gentahlou mission nasemte halaw zong kidai zoulou nalai…. Abang chidan atai! Tulai a MNC(Multi-Nation Company) te bawldan a cost cutting zong I hattuam te uah poimaw ta hi in kamu hi.
Zodawn lam a mite bawldan eng in mission skul I phut poupou ua, ahin solkar skul te sang in ahuaise jaw hi. Puahlou leh zuunlou in a um ta hi. A min maimai a mission skul ieni sang un neida lei isum uh save zaw ding hilou maw ! Phattuam na bei in kumkhat in pawlpi in nihvei thumvei Khawmpi inei ua sum tampi ibeisah uhi. Khawmpi te aloutheilou ahina diei. Bible ah gingtu hattuam te’n khawmpi anei ngel na uai? Tua khatvei khawmpi inei na uh budget tawh zodawn lam a I u-leh nau taga meithai genthei te panpi na in zang leh gilkial bangzat kipah in hitui bangjat inul siengsah ta diei ! Zodawn lam a asum musun te uh hattuam in sawm-a-khat mai hilou in sawm-a-thum beh anemang hi, ahinlah amaute ading in bangma inua bawl sih uhi.
Pasian thu hat ding dan igengen ua, ahinlah amitvah na ding uh ingai poimaw zel sih uhi. Laisimtheilou te ipuahnat sih leh bang chin a Pasian thuhatding uh ipawna masa thei diei. Vangam kaiding ingai poimaw ua ahinlah vangam kaina ding a Pasian thu asimthei na ding uh ipawna sih uhi. Vangam kaina ding certificate lah ipethei ngal sih ua, tuazieh in amau lunglut hun leh deina bang a Pasianthu akisim thei na ding uh puahnat masah poima in thei ing. Hattuam teng in gammial chi’n koite ama khat iveina koi vetvot ua, amaute ading in a tuam in thawlawm te bang idawl nalai set uhi. Ei gam mial salou ihi ding uai le? Tua theilou te iveinat bang un leh I ngaipoimaw bang un eima sung ngaina lei igam inam hichi talawm lou ding hi. Gammiel iveinat kal un eima gam sung a meivah mitta a, innkuan bangzat ama khat gilkial in meikuang peisuah umta hi. Bangchi dan a eigam nelsia a migam iva zuun zing uh adiei? Gammial chia iveinat gam uah I sum neisunte uh ithunlut ua eigam ah bangma ahing nua lut kia non tasih hi, igam bangchin a zawng lou diei. Tua mun a I sum thunlut teng uh eima gam Zodawn lam puah na in kizang taleh bang zatah in igam akhangtou diei. I gam khu solkar maimai puahphat ding dan in koi non dah vai. Ei leh ei in zong ikipuah phat thei uh ahi. Eima mit a singtum um mulou a mi mit a singthem um iva mu laisie uh igam imi te’n phattuam na nei ngai lou ding uhi. Pasian nei namte kichi ngal hang a bang chidan a ei Lamka lam mite hichi tuantual ihi ding uai, midangte lah khangtou hulhul mai ua maw.
Ann ngawl zen in ithum ua bangma aphatuam sih hi. Khawmpi thupi tah a nei in Pasian iphat ua bangma aphatuam sih hi. Bang pen ata diei isep khah lou uh?
Tam ka thu giel leitung vai nachi maithei, leitung a um nalai ihi man un leitung vai isai sih uleh bang vai isai ding uh hita. Leitung ah koi e vangam vai saithei ding. Koi e vangam kaina ding certificate pethei? Ama bou a limit thei ding ahia, khovel vai chivang a silteng vasai ding china ahi tuamsih hi. Social welfare lam sai ding ahoi a, politics lam pen hattuam in uang bawl ding ahisih hi. Hattuam in amipite damtheina ding, nehmu na ding, mitvahna ding asai sih leh koi in hing sai ta ding. En I u-leh-nau iveinat sih leh koi in hing veinat sah ta ding. I gam I nam pen solkar (MLA,MDC, DC,SDO,SDC) maimai puaphat ding dan a koina mentality khu paikhieh hun ahita hi. Ei leh ei kipuaphat sawm ta vai. Zogam etlawm chia zaila a I awi awi te uh lukieu saulin suahta hi. Zu leh va chikim leng dildiel, singchin suangchin chia I awi awi te uh mu ding um nonlou hi. Bang zieh?
Comments
0 Response to 'ALL OUT ‘N’ NO IN'
Post a Comment
Leave me your opinion after reading my writings. Thank You.