Hun paisate ah igam, inam leh I khotang kivaipuakna ua lamkai muanhuai leh chitak, zudawnlou leh laithai kaplou poimoh chi’n thu leh late ah ina tangkou ta ua, tuni tan in lah tuabang lamkai dembei kuamah nam anei I omlam theih ahinai kei a, a hung om ding zong taksan huai lou hi. Tuaziak in, lamkai dembei poimoh ihi ua, ahihkeileh nungzui chitak leh muanhuai poimoh zaw ihi ua chihpen ngaihsut thak kik ding in hoihsa ingh.Igam inam sung ah banghiam atun leh I lamkaite mohsak chihpen ichindan tangpi uh ahi. Lamkaite adik uh kachihna ahituan kei a, hinanleh lamkaite ziak hihiam hilou hiam chih zong kuama’n kanchian manlou in amau imohsak paipai mok uhi. Sil bangkim ah I lamkaite enkhe gige/test gige hilei akilawm tazen hi. Hih pen in kipumkhatna sang in kisiatna leh niamkiakna ahung tut ut zaw zel hi. Lamkai ichih chiang in mikhat ahi a, nungzui ichih chiang in lamkai sang a tamzaw ahi. Ban ah lamkai sang in zong nungzui te’n thu neitheizaw uhi. Hih thu neihna pen nungzui siam ihih hun chiang un kinei thei pan ding hi. Nungzui siam hihna ding in amasapen in lamkaite zahtatdan siam, thudik leh gin-om poimoh hi. Tuni a lamkaite simmoh mite pen amau lamkai in zangta mahlei zong bangmah hituam lou ding ua, tunia adem dem uh lamkaite sang in zong huaise utzaw ding uhi. I lamkaite siam, pil leh neizou kei maithei hinanleh nungzui siam khat in amimal a enlou in alamkai hihna ziak maimai toh zong zahna apia hi. Eimah mah in ilamkaite izahtak masak kei leh kua in hung zahtak sak ding? Eite mah phalna tawh lamkai a teelching a om hilou hiam? Ken teelkha ke’ng nachi maithei, bangdia teelkha lou nang ! bangdia ateel a vapanglou ! tunia lamkaite nadem ut ziak leh ken theihpih kha ke’ng nachih ut ziak a vakihel lou maw? Nungzui siam ihihleh ilamkaite hatlouhna, bawlkhelhna teng tangkoupih lou a, ahatlouhna te uh kithuahpih a, abawlkhelhnate sukdiksak/hilhchian ding poimoh zaw hi. Lamkaite dem gige chihpen nungzui dukdaklou, eimah ngei zong lamkai ding a chinglou chihna hipah lian hi. Lamkai ching nungzui mikhat pen bangchibang in alamkaipu/lamkaite khial in mawh nanleh thumvei/livei tan bek ah sukdik sawm hamham lai ding hi. Tua tan a azoh keileh zong lamkaite sialphou sang in amah kikang koih zaw ding hi. Lamkaipu tawh ngaihdan deihdan kituak louh ziak a ihihna taisanthei lai nungzuite athak a kingaihsut hun hitalou hiam. Lamkaite nasepdan ideih kei leh nuak thawh/demthawh lou in ilungsim kibatpih mipi te houlimpih in idaan bang tak un lamkaipu khekkhiak ding dan ngaihsun lei khantouhvai hizaw hi. Eimah in lamkai hihna ituk ut kei vanglak lelah nungzui siam hihdan kizil vet lei maw. Nang lamkai nahih ut kei leh kua nang demdem ding a ut tuam ding la.
Hun paisate ah igam, inam leh I khotang kivaipuakna ua lamkai muanhuai leh chitak, zudawnlou leh laithai kaplou poimoh chi’n thu leh late ah ina tangkou ta ua, tuni tan in lah tuabang lamkai dembei kuamah nam anei I omlam theih ahinai kei a, a hung om ding zong taksan huai lou hi. Tuaziak in, lamkai dembei poimoh ihi ua, ahihkeileh nungzui chitak leh muanhuai poimoh zaw ihi ua chihpen ngaihsut thak kik ding in hoihsa ingh.Igam inam sung ah banghiam atun leh I lamkaite mohsak chihpen ichindan tangpi uh ahi. Lamkaite adik uh kachihna ahituan kei a, hinanleh lamkaite ziak hihiam hilou hiam chih zong kuama’n kanchian manlou in amau imohsak paipai mok uhi. Sil bangkim ah I lamkaite enkhe gige/test gige hilei akilawm tazen hi. Hih pen in kipumkhatna sang in kisiatna leh niamkiakna ahung tut ut zaw zel hi. Lamkai ichih chiang in mikhat ahi a, nungzui ichih chiang in lamkai sang a tamzaw ahi. Ban ah lamkai sang in zong nungzui te’n thu neitheizaw uhi. Hih thu neihna pen nungzui 
http://vaphual.blogspot.com/2009/11/hun-paisate-ah-igam-inam-leh-i-khotang.html?showComment=1260713514847#c2513073194419113892'> 12/13/09, 7:41 PM
good blogsite.good job. keep it up.